اصعب وداع دي من اكتر الحاجات اللي كتبتها و قريبة من قلبي جدا
لسه فاكراها من ايام ثانوي و بحب اقراها كتير اوي
رغم اني كتبت بعدها حاجات تانية كتير اوي و منها الاجمل بس دي غير كل اللي كتبته
الوردة دبلت و الحب ضاع
و الدمعة سالت..يوم الوداع..
وردة الحب الجميلة شهدت على حبي ليك
شهدت على مشوار حياتنا
من يوم ما كانت بذرة عليلة..
و زرعتها انت بايديك
و أول يوم في عمرها .. كان اجمل يوم في حبنا
ميل حبيبي على غصنها
ضحك شويه .و قاللها..
كتبت اسمي و اسمها
و حاسبي علينا من الهوا
ليجرح قلبي و قلبها
ميلت و قلت يقول لها
تميل بعيد علشان بغير من حبها
ضحك عليا و راح لها
و ميل قوي على غصنها
و شفا يفه لمست سطحها
بصيت أنا من غير كلام
و شفايفي راسمة الابتسام
قرب و قاللي بضحكته..
لازم حبيبتي احبها
بصيت بعيد ..راح بص لي
وقاللي بردو هاحبها
ده اسمك هو اسمها
لازم حبيبتي احبها
ضحكنا سوا و ضحكت لنا
نسينا همومنا و جرحنا
و جت بسرعة نسمة هوا
فكرتنا بالمعاد
الوقت عدى و جت خلاص لحظة بعاد
سابني و راح و قال لها
حاسبي يا وردة على قلبها
و رحت أنا و قلت لها
حاسبي يا وردة على حبنا
مشينا سوا و جت لحظة الافتراق
زعلنا قوي و قلنا لازم حبنا ...
يفضل هناك على غصنها.
فرقت بينا الظروف و بعدت بينا الليالي
مرت الأيام و الليالي و رحنا سوا في نفس المعاد
ما كنتش اعرف انه هييجي
بس كان إحساس غريب بيقول هييجي
و رحنا سوا في نفس المعاد
كان اللقى برضه هناك
لكن الزمن غير حاجات
وردة الحب الجميلة دبلت خلاص و اتكسرت
كان جاي يقول لي ابعد
و كنت جاية أقول له يبعد
و لما شفنا الوردة دبلت
سكتت قلوبنا و الدمعة نزلت
و عرفنا خلاص ان ده اصعب وداع
الوردة دبلت و الحب ضاع
و الدمعة نزلت يوم الوداع
هناك تعليق واحد:
تجسيد تحفة للوداع
خيال واسع و وجدان قوي جدا فطبيعي كلماتك تلمس القلب قوي كده
بالتوفيق دايما يا قطرات الندى
إرسال تعليق