يا قلبي ليه عايش ملهوف
على حلم ضايع او مخطوف
عايش بتدور على الحلم المخطوف
بين الكلام و بين الحروف
ما ياما ضاع منك أحلام
100, 200 او حتى الوف
و انت مغمض مش بتشوف
رافض تسمع مني كلام
و عايش خايف ليه و مرجوف
ياما قلتلك لحظة استنى
حلمي و حلمك ضاع من بينا
و خد افراحنا و دفا ايامنا
و سابنا في دموعنا و آلامنا
ياما قلتلك يا قلبي يا غالي
حلمك فوق مع النجم العالي
تيجي نطلع له سنة بسنه
لو مطرت السما هنغني
و لو هبت ريح توقعنا
هنطلع تاني و بردو نغني
لحد ما نوصل فوق للحلم
و يغني و يايا الحاني
و انت يا قلبي تقولي كفاية
انتي كلامك كله عجاب
و الحلم العالي ده اصله سراب
مفيش احلام بتكون في العالي
و حلمي و حلمك هنا موجود
تحت الارض في سرداب
ليه تحلمي احلام خيالية
خليكي انسانة واقعية
و مسحت كلمات اغانيا
و حرقت نوتة الحاني
و انا ببكي و دموعي في عنيا
على حلمي و كل امانيا
ليه دلوقتي راجع بتطوف
بتدور على الحلم المخطوف
وسط الكلام و بين الحروف
ما ضاع خلاص حلم الايام
و نسيت خلاص معنى الاحلام
ليست هناك تعليقات:
إرسال تعليق